സുബ്രതോ കപ്പ് ഫുട്‌ബോളിന്‌ ഇന്ന് തുടക്കം

കോഴിക്കോട്
സ്കൂൾ ടീമുകൾ അണിനിരക്കുന്ന സംസ്ഥാന സുബ്രതോ കപ്പ് ഫുട്ബോൾ ഇന്ന് തുടങ്ങും. പൊതുവിദ്യാഭ്യാസവകുപ്പ് സംഘടിപ്പിക്കുന്ന ടൂർണമെന്റ് കോഴിക്കോട് മെഡിക്കൽ കോളേജ് സ്റ്റേഡിയത്തിലും ദേവഗിരി കോളേജ് മൈതാനത്തുമാണ്. ആൺകുട്ടികൾക്കും പെൺകുട്ടികൾക്കുമുള്ള ജൂനിയർ (അണ്ടർ 17) മത്സരങ്ങളാണ് ഇന്നും നാളെയും. 13നും 14നും സബ്ജൂനിയർ (അണ്ടർ14) ആൺകുട്ടികൾക്കാണ് മത്സരങ്ങൾ. ചാമ്പ്യൻ സ്കൂളാണ് ഓരോ ജില്ലയെയും പ്രതിനിധാനംചെയ്ത് പങ്കെടുക്കുക.