മലയാളികൾക്കിടയിൽ അനശ്വരൻ: മന്ത്രി പി രാജീവ്‌

കൊച്ചി> സംവിധായകൻ സിദ്ദിഖിന്റെ നിര്യാണത്തിൽ മന്ത്രി പി രാജീവ് അനുശോചിച്ചു. മിമിക്രിയിലൂടെ സിനിമയിലെത്തി അഭിനയത്തിൽനിന്ന് സംവിധാനത്തിലേക്ക് ചുവടുമാറ്റി സിദ്ദിഖ് സമ്മാനിച്ചത് നിരവധി ഹിറ്റ് സിനിമകൾ. മലയാളികളെ ഒട്ടേറെ ചിരിപ്പിക്കുകയും കരയിക്കുകയും ചെയ്ത ഫ്രെയിമുകൾ അദ്ദേഹത്തിന്റേതായിട്ടുണ്ട്. മലയാളികൾക്കിടയിൽ അദ്ദേഹത്തിന് അനശ്വരമായ സ്ഥാനമുണ്ടായിരിക്കുമെന്ന് മന്ത്രി ഫെയ്സ്ബുക്കിൽ കുറിച്ചു. സിദ്ദിഖിന്റെ കുടുംബത്തിന്റെയും മലയാള സിനിമാലോകത്തിന്റെയും ദുഃഖത്തിൽ പങ്കുചേരുന്നതായും മന്ത്രി പറഞ്ഞു.