വാളയാർ> വാളയാർ അണക്കെട്ടിൽ കുളിക്കുന്നതിനിടെ മുങ്ങിത്താഴ്ന്ന രണ്ട് കോളെജ് വിദ്യാർത്ഥികളെ കാണാതായി. കോയമ്പത്തൂർ ധനലക്ഷ്മി കോളേജ് വിദ്യാർത്ഥികളായ നാമക്കൽ സ്വദേശി ഷണ്മുഖം, പൊള്ളാച്ചി സ്വദേശി തിരുപ്പതി എന്നിവരെയാണു കാണാതായത്. അണക്കെട്ടിലെ തമിഴ്നാട് ഭാഗത്തുള്ള മാവുത്താംപടിയിൽ ഞായർ പകൽ 12.30നാണു അപകടമുണ്ടായത്.
അവധി ദിവസം അണക്കെട്ട് സന്ദർശിക്കാനെത്തിയ വിദ്യാർത്ഥി സംഘത്തിലെ മൂന്ന് പേരാണു അപകടത്തിൽപ്പെട്ടത്. മൂവരും ഒഴുക്കിൽപ്പെട്ടെങ്കിലും ഒരാൾ രക്ഷപ്പെട്ടു. ഇയാൾ നൽകിയ വിവരമനുസരിച്ചാണു വാളയാർ പൊലീസും കഞ്ചിക്കോട് അഗ്നിരക്ഷാ സേനയും തിരച്ചിൽ നടത്തുന്നത്.
