ചെന്നൈ> “അപൂർവ സഹോദരർ’കൾ ചിത്രത്തിൽ കമൽഹാസൻ അവതരിപ്പിച്ച അപ്പു എന്ന കഥാപാത്രത്തിന്റെ സുഹൃത്തായി വേഷമിട്ട നടൻ മോഹനെ (60) മധുരയിലെ തിരുപ്പറങ്കുന്ദ്രത്ത് തെരുവിൽ മരിച്ചനിലയിൽ കണ്ടെത്തി. അനാരോഗ്യത്തെ തുടർന്നാണ് മരണം. ജൂലൈ 31 നാണ് മോഹനെ മരിച്ചനിലയിൽ നാട്ടുകാർ കണ്ടെത്തിയത്.
തിരിച്ചറിയാനാകാത്ത നിലയിലായിരുന്നു. പിന്നീടാണ് മരിച്ചത് മോഹനാണെന്ന് പൊലീസ് കണ്ടെത്തിയത്. ആര്യയുടെ നാൻ കടവുൾ, അത്ഭുത മണിത്തർകൾ എന്നീ ചിത്രങ്ങളിലും അഭിനയിച്ചു. സേലം സ്വദേശിയായ മോഹൻ പത്തുവർഷം മുമ്പ് ഭാര്യ മരിച്ചതിനുശേഷം കടുത്ത ദുരിതത്തിലാണ് കഴിഞ്ഞിരുന്നത്.
