കരിപ്പൂർ
സംസ്ഥാന ഹജ്ജ് കമ്മിറ്റി മുഖേന യാത്രതിരിച്ച 10,279 തീർഥാടകർ സംസ്ഥാനത്തെ മൂന്ന് എമ്പാർക്കേഷൻ പോയിന്റുകളിലായി തിരിച്ചെത്തി. 3831 പുരുഷൻമാരും 6448 സ്ത്രീകളുമാണ് മടങ്ങിയെത്തിയത്. തീർഥാടകരുടെ മടക്കയാത്ര മദീനയിൽനിന്നാണ്. കണ്ണൂർ, കൊച്ചി എന്നിവിടങ്ങളിലേക്ക് ഓരോ വിമാനവും കരിപ്പൂരിലേക്ക് രണ്ട് വിമാനങ്ങളുമാണ് ഇനി സർവീസ് നടത്തുക. ഹാജിമാരുടെ മടക്കയാത്ര വ്യാഴാഴ്ച അവസാനിക്കും.
നെടുമ്പാശേരിയിലേക്കുള്ള അവസാന വിമാനം ബുധൻ രാവിലെ 10നും കണ്ണൂരിലേക്കുള്ള അവസാന വിമാനം ബുധൻ രാത്രി 7.55നും എത്തും. കരിപ്പൂർ വിമാനത്താവളത്തിലേക്കുള്ള അവസാന വിമാനം വ്യാഴാഴ്ച പുലർച്ചെ 1.15നുമാണ് ഷെഡ്യൂൾചെയ്തത്.
ചൊവ്വാഴ്ചവരെ കരിപ്പൂരിൽ 2368 പുരുഷൻമാരും 4093 സ്ത്രീകളും ഉൾപ്പെടെ 6461 പേർ തിരിച്ചെത്തി. കണ്ണൂരിൽ 646 പുരുഷൻമാരും 1080 സ്ത്രീകളുമുൾപ്പെടെ 1726 പേരും നെടുമ്പാശേരിയിൽ 609 പുരുഷൻമാരും 1275 സ്ത്രീകളുമുൾപ്പെടെ 2092 പേരും മടങ്ങിയെത്തി.
