വൈപ്പിൻ > വയോധികയെ ലൈംഗികമായി ഉപദ്രവിച്ച യുവാവിനെ പൊലീസ് അറസ്റ്റ് ചെയ്തു. ചെറായി സ്വദേശി ശ്യാംലാലാണ് (26) പിടിയിലായത്. വെള്ളിയാഴ്ച വൈകിട്ടാണ് സംഭവം. ചെറായി ഭാഗത്ത് താമസിക്കുന്ന 90 വയസ്സുള്ള വയോധികയെയാണ് ഉപദ്രവിച്ചത്.
വൃദ്ധയും മകളുമാണ് വീട്ടിൽ താമസം. മകൾ ജോലിക്ക് പോയിരിക്കുകയായിരുന്നു. ഈ സമയത്ത് എത്തിയ ശ്യാംലാൽ തലയിണ ഉപയോഗിച്ച് വൃദ്ധയുടെ മുഖത്തും കഴുത്തിലും അമർത്തുകയും തുടർന്ന് ലൈംഗികമായി ഉപദ്രവിക്കുകയുമായിരുന്നു.
ഞാറക്കൽ, മുനമ്പം, എറണാകുളം സെൻട്രൽ പൊലീസ് സ്റ്റേഷനുകളിലായി സ്ത്രീപീഡനം, മയക്കുമരുന്ന് തുടങ്ങി ഏഴോളം കേസുകളിലെ പ്രതിയാണ് ഇയാളെന്ന് പൊലീസ് പറഞ്ഞു.
