നെടുമ്പാശേരി
സംസ്ഥാന ഹജ്ജ് കമ്മിറ്റിയുടെ നേതൃത്വത്തിൽ നെടുമ്പാശേരി വിമാനത്താവളംവഴി പോയ ഹാജിമാരിൽ 1289 പേർ തിരിച്ചെത്തി. 2841 ഹാജിമാരാണ് ഹജ്ജിന് ഇക്കുറി നെടുമ്പാശേരിയിൽനിന്ന് യാത്രതിരിച്ചത്.
തിങ്കൾ രാത്രി ഏഴിന് സൗദി എയർലൈൻസിന്റെ എസ്വി 3774 നമ്പർ വിമാനത്തിൽ 295 ഹാജിമാർ തിരിച്ചെത്തി. 265 പേരും സ്ത്രീകളാണ്. ഹജ്ജ് കഴിഞ്ഞ് തിരിച്ചെത്തിയ ഹാജിമാരെയും ഹജ്ജുമ്മമാരെയും ഹജ്ജ് കമ്മിറ്റി അംഗം സഫർ എ കയാൽ, കോ––ഓർഡിനേറ്റർ ടി കെ സലീം അടക്കമുള്ള ഭാരവാഹികളും സെൽ ഓഫീസർമാരും ചേർന്ന് വിമാനത്താവളത്തിൽ സ്വീകരിച്ചു.
