ആകാശപാതയുണ്ടാക്കാൻ കിലോമീറ്ററിന് 300 കോടി; ഭൂനിരപ്പിലെ പാതയ്ക്ക് 30 കോടി; ചെലവ് പത്തിരട്ടിയാക്കുന്ന വയഡക്ട് പദ്ധതികളോട് റെയിൽവേക്ക് താൽപര്യം കുറവ്; ശ്രീധരന്റെ പദ്ധതി ശ്രീധരനിലൊതുങ്ങുമോ?

ഇ ശ്രീധരൻ മുമ്പോട്ടുവെക്കുന്ന അതിവേഗപാതയുടെ ആകാശ-തുരങ്ക രൂപകൽപ്പന റെയിൽവേ മന്ത്രാലയം അംഗീകരിക്കുമോയെന്നത് പ്രധാന പ്രശ്നമാണ്. ആകാശപാതകൾ അഥവാ വയഡക്ട് ഡിസൈനുകളോട് റെയിൽവേ മുഖംതിരിക്കുന്ന പ്രവണതയാണ് കണ്ടുവരുന്നത്. ഇതിന് കാരണവുമുണ്ട്. കെ റെയിലിനു പകരം അതിവേഗപാത എന്നത് കേൾക്കാൻ രസമുണ്ടെങ്കിലും സാമ്പത്തികമായി പ്രായോഗികമാണോ എന്നതാണ് പ്രശ്നം.