ദേശീയപാതയിൽ ടോറസ് ഇടിച്ച് സ്കൂട്ടർ യാത്രികൻ മരിച്ചു

വേങ്ങര > പുത്തനത്താണിയിൽ ടോറസ് ലോറി സ്കൂട്ടറിൽ ഇടിച്ച് സ്കൂട്ടർ യാത്രക്കാരനായ വേങ്ങര ഗാന്ധിക്കുന്ന് സ്വദേശിയായ യുവാവ് മരിച്ചു. പറപ്പൂർ കടവത്ത് പോക്കർ- സുലൈഖ ദമ്പതികളുടെ മകൻ ഫസലുറഹിമാൻ (26) ആണ് മരിച്ചത്. വെള്ളിയാഴ്ച രാവിലെയാണ് സംഭവം. ദേശീയപാത 66 ൽ പുത്തനത്താണിയ്ക്കു സമീപം അതിരുമടയിൽ വെച്ച് കോട്ടക്കൽ ഭാഗത്തു നിന്നും പുത്തനത്താണിയിലേക്ക് വരികയായിരുന്ന സ്കൂട്ടറും ടോറസ്സും കൂട്ടിയിടിക്കുകയായിരുന്നു. മൃതദേഹം തിരൂർ ജില്ലാ ആശുപത്രിയിലേയ്ക്ക് മാറ്റി. സഹോദരങ്ങൾ: ഖൈറുന്നിസ, തബ് സീറ, ലംഹത്ത് നൂർ.