തൃശൂർ
കേരള സംഗീത നാടക അക്കാദമിയുടെ 2022-ലെ പുരസ്കാരങ്ങൾ സമ്മാനിച്ചു. പുരസ്കാര സമർപ്പണ സമ്മേളനം മന്ത്രി ആർ ബിന്ദു ഉദ്ഘാടനം ചെയ്തു. ഫെലോഷിപ് – 2022, അവാർഡ്, ഗുരുപൂജ പുരസ്കാരം എന്നിവയാണ് ചടങ്ങിൽ സമ്മാനിച്ചത്. പരമോന്നത പുരസ്കാരമായ ഫെലോഷിപ് ഗോപിനാഥ് കോഴിക്കോട്, വിദ്യാധരൻ മാസ്റ്റർ, കലാമണ്ഡലം പാഞ്ഞാൾ ഉണ്ണിക്കൃഷ്ണൻ എന്നിവർ മന്ത്രി ആർ ബിന്ദുവിൽനിന്ന് ഏറ്റുവാങ്ങി.
അക്കാദമി അവാർഡ് വത്സൻ നിസരി , ബാബു അന്നൂർ, സുരേഷ്ബാബു ശ്രീസ്ഥ, ലെനിൻ ഇടക്കൊച്ചി, രജിത മധു, കോട്ടയ്ക്കൽ മുരളി, കലാമണ്ഡലം ഷീബ കൃഷ്ണകുമാർ , ബിജുല ബാലകൃഷ്ണൻ, പാലക്കാട് ശ്രീറാം , തിരുവിഴ വിജു എസ് ആനന്ദ്, ആലപ്പുഴ എസ് വിജയകുമാർ, പ്രകാശ് ഉള്ളിയേരി, വിജയൻ കോവൂർ, എൻ ലതിക, കലാമണ്ഡലം രാധാമണി, കലാമണ്ഡലം രാജീവ്, എസ് നോവൽരാജ് എന്നിവർക്ക് സമ്മാനിച്ചു.
ഗുരുപൂജ പുരസ്കാരം മേപ്പയൂർ ബാലൻ, ആലപ്പി ആനന്ദൻ, തൃക്കാക്കര വൈ എൻ ശാന്താറാം, കെ വിജയകുമാർ, വൈക്കം ആർ ഗോപാലകൃഷ്ണൻ, ശിവദാസ് ചേമഞ്ചേരി, ഉസ്താദ് അഷറഫ് ഹൈദ്രോസ്, മാതംഗി സത്യമൂർത്തി, പൂച്ചാക്കൽ ഷാഹുൽ, വെൺകുളം ജയകുമാർ, തൃശൂർ വിശ്വം, ബാബു കിളിരൂർ, ടി പി ഭാസ്കര പൊതുവാൾ, കുളത്തൂർ ലാൽ, കുഞ്ഞിക്കണ്ണൻ ചെറുവത്തൂർ, കലാമണ്ഡലം കല്ലുവഴി വാസു, കലാനിലയം കുഞ്ചുണ്ണി , പൊൻകുന്നം സെയ്ദ്, അരിവാൾ ജോൺ, ആർട്ടിസ്റ്റ് രാംദാസ് വടകര, കവടിയാർ സുരേഷ്, തണ്ണീർമുക്കം സദാശിവൻ എന്നിവർ ഏറ്റുവാങ്ങി.
അക്കാദമി ക്യാമ്പസിനെ ഹരിത ദീപ്തമാക്കുന്നതിന് പുതുതായി വിഭാവനം ചെയ്ത പ്ലാവ് ഉദ്യാനവും മന്ത്രി ആർ ബിന്ദു ഉദ്ഘാടനം ചെയ്തു. 12 ഇനം പ്ലാവുകളാണ് നട്ടുപിടിപ്പിക്കുന്നത്.
സംഗീത നാടക അക്കാദമി ചെയർമാൻ മട്ടന്നൂർ ശങ്കരൻകുട്ടി അധ്യക്ഷനായി. സെക്രട്ടറി കരിവെള്ളൂർ മുരളി, നിർവാഹക സമിതി അംഗം ടി ആർ അജയൻ എന്നിവർ സംസാരിച്ചു. തുടർന്ന് പ്രകാശ് ഉള്ളിയേരി നയിച്ച മൺസൂൺ മ്യൂസിക് എന്ന സംഗീത പരിപാടിയും അരങ്ങേറി.
