തിങ്കളാഴ്ച നിശ്ചയം എന്ന ചിത്രത്തിന് ശേഷം സുനിൽ സൂര്യ പ്രധാന വേഷത്തിൽ എത്തുന്ന ‘മുകൾപ്പരപ്പ്’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് വിട്ടു. ലാൽ ജോസ്, വിനീത് ശ്രീനിവാസൻ എന്നിങ്ങനെ സിനിമ മേഖലയിലെ അൻപതോളം പ്രമുഖ താരങ്ങൾ ചേർന്നാണ് ചിത്രത്തിന്റെ പോസ്റ്റർ റിലീസ് ചെയ്തത്. സിബി പടിയറ രചനയും സംവിധാനവും നിർവഹിക്കുന്ന ചിത്രം മലബാറിലെ തെയ്യങ്ങളുടെ പശ്ചാത്തലത്തിലാണ് കഥപറയുന്നത്. കണ്ണൂരിന്റെ പശ്ചാത്തലത്തിൽ പാരിസ്ഥിതിക വിഷയങ്ങളും ചർച്ച ചെയ്യുന്നുണ്ട്.
അന്തരിച്ച പ്രശസ്ത നടൻ മാമുക്കോയ അവസാനമായി അഭിനയിച്ച ചിത്രമെന്ന പ്രത്യേകതയും മുകൾപ്പരപ്പിനുണ്ട്. അപർണ ജനാർദ്ദനൻ നായികയാകുന്ന ചിത്രത്തിൽ പ്രമുഖ താരങ്ങൾക്കൊപ്പം നിരവധി പുതുമുഖങ്ങളും അണിനിരക്കുന്നുണ്ട്. ചിത്രത്തിന്റെ സഹ രചയിതാവും ഗാനരചയിതാവും കൂടിയായ ജയപ്രകാശൻ കെ കെയാണ് നിർമ്മാതാവ്. ജോൺസ് പനയ്ക്കൽ, സിനു സീതത്തോട്, ഷമൽ സ്വാമിദാസ്, ബിജോ മോഡിയിൽ കുമ്പളാംപൊയ്ക, ഹരിദാസ് പാച്ചേനി, മനോജ് സി.പി, ആദിത്യ പി.ഒ, അദ്വൈത് പി.ഒ, ലെജു നായർ നരിയാപുരം എന്നിവരാണ് സഹ നിർമ്മാതാക്കൾ
ശിവദാസ് മട്ടന്നൂർ, ഉണ്ണിരാജ് ചെറുവത്തൂർ, ഊർമിള ഉണ്ണി, ചന്ദ്രദാസൻ ലോകധർമ്മി , മജീദ്,ബിന്ദു കൃഷ്ണ, രജിത മധു , എന്നിവർക്കൊപ്പം നൂറോളം പുതുമുഖങ്ങളും ഒപ്പം ഒട്ടേറെ തെയ്യം കലാകാരൻമാരും അഭിനയിക്കുന്നുണ്ട്. സംഗീതം: പ്രമോദ് സാരംഗ്, ജോജി തോമസ്. ഗാനരചന : ജെ.പി. തവറൂൽ, സിബി പടിയറ. എഡിറ്റർ: ലിൻസൺ റാഫേൽ. പശ്ചാത്തല സംഗീതം: അലൻവർഗീസ്. ചീഫ് അസോസിയററ്റ്: ശ്രീകുമാർ വള്ളംകുളം. ഫിനാൻസ് കൺട്രോളർ: ടി പി ഗംഗാധരൻ, പ്രൊജക്റ്റ് മാനേജർ: ബെന്നി നെല്ലുവേലി, പ്രൊഡക്ഷൻ എക്സിക്യൂട്ടിവ്: പ്രവീൺ ശ്രീകണ്ഠപുരം. ഡിടിഎസ് മിക്സിംഗ്: ജുബിൻ രാജ്. സ്റ്റുഡിയോ: മീഡിയ പ്ളസ് കൊച്ചി & വിസ്മയാസ് മാക്സ് തിരുവനന്തപുരം. പിആർഓ: എ.എസ് ദിനേശ്
ജ്യോതിസ് വിഷന്റെ ബാനറിൽ ഓഗസ്റ്റ് നാലിന് ചിത്രം തിയേറ്ററുകളിൽ എത്തും
