തിരുവനന്തപുരം> പാർലമെന്റിൽ ഇങ്ങനെയൊരു ബിൽ കൊണ്ടുവരുമ്പോൾ പാർടിയോട് ചോദിക്കേണ്ടതായിരുന്നെന്ന് കോൺഗ്രസ് നേതാവ് കെ മുരളീധരൻ പറഞ്ഞു. തിരുവിതാംകൂറും തിരു–- കൊച്ചിയും ആയിരുന്നപ്പോഴും കേരളം രൂപീകരിച്ചപ്പോഴും തലസ്ഥാനം തിരുവനന്തപുരമായിരുന്നു. വിപുലമായ സെക്രട്ടറിയറ്റ്, നഗരത്തിന്റെ അകത്തുതന്നെ വിമാനത്താവളം എല്ലാം അടങ്ങിയതാണ് തിരുവനന്തപുരം. ആ നഗരത്തിൽനിന്ന് തലസ്ഥാനം മാറ്റേണ്ട ആവശ്യമില്ല.
ഹൈബി ഈഡന് ഇങ്ങനെയൊരു ചിന്താഗതിയുണ്ടായതിൽ അത്ഭുതംതോന്നുന്നു. ഓരോരുത്തരും അവരുടെ നാട്ടിലേക്ക് തലസ്ഥാനം കൊണ്ടുപോകണമെന്ന് പറയുന്നത് ശരിയായ നിലപാടല്ല–- കെ മുരളീധരൻ പറഞ്ഞു.
