ആലപ്പുഴ > കെ പി സി സി പ്രസിഡന്റ് കെ സുധാകരന് പോക്സോ കേസ് പ്രതിയായ മോൺസൺ മാവുങ്കൽ ചെയ്ത സഹായങ്ങൾ എന്തൊക്കെയാണെന്ന് അറിയില്ലെന്നും അത് എന്താണെന്ന് കെ സുധാകരനോട് തന്നെ ചോദിക്കണമെന്നും രമേശ് ചെന്നിത്തല എംഎൽഎ. ആലപ്പുഴയിൽ മാധ്യമപ്രവർത്തകരോട് സംസാരിക്കുകയായിരുന്നു അദേഹം.
ഉന്നത പൊലീസ് ഉദ്യോഗസ്ഥർതന്നെ മൊൺസൺ മാവുങ്കലിന്റെ ആഥിത്യം സ്വീകരിച്ചിട്ടുണ്ട്. അങ്ങനെ തെറ്റിദ്ധരിച്ചാകാം ഇയാളുടെ അടുക്കൽ കെ സുധാകരൻ പോയിട്ടുള്ളതെന്നാണ് കരുതുന്നത് ചെന്നിത്തല പറഞ്ഞു.
അരിയിൽ ഷുക്കൂർ വധക്കേസിൽ കെ സുധാകരൻ ഗൂഡാലോചന നടത്തി, പൊലീസിനെ ഭീഷണിപ്പെടുത്തിയാണ് എഫ്ഐആർ ഇട്ടതെന്ന് കോൺഗ്രസ് വക്താവിന്റെ വെളിപ്പെടുത്തൽ വസ്തുതയല്ല. കോൺഗ്രസ് വക്താവ് അങ്ങനെ പറഞ്ഞത് ശരിയായില്ലെന്നും രമേശ് ചെന്നിത്തല ചൂണ്ടിക്കാട്ടി.
കൊച്ചി തലസ്ഥാനമാക്കണമെന്ന ഹൈബി ഈഡന്റെ നോട്ടീസ് ചർച്ചയ്ക്കുപോലും സാധ്യത ഇല്ലാത്തതാണെന്ന് പറഞ്ഞ ചെന്നിത്തല പ്രതിപക്ഷ ഐക്യം ശക്തമാകുന്നതിൽ വിറളിപൂണ്ടാണ് പ്രധാനമന്ത്രി നരേന്ദ്രമോദി ഏകീകൃത സിവിൽ കോഡ് ഉയർത്തുന്നതെന്നും പറഞ്ഞു.
