കൊച്ചി
യുവതിയെ മർദിക്കുകയും ലൈംഗികമായി അധിക്ഷേപിക്കുകയുംചെയ്ത സംഭവത്തിൽ ആലപ്പുഴ സ്വദേശി പിടിയിൽ. ആലപ്പുഴ സക്കരിയ വാർഡ് റോസ് മഹലിൽ മുഹമ്മദ് ഹാരിസിനെയാണ് പാലാരിവട്ടം പൊലീസ് അറസ്റ്റ് ചെയ്തത്. 21ന് വൈകിട്ട് ആറിന് കലൂർ സ്റ്റേഡിയത്തിന് സമീപമായിരുന്നു സംഭവം.
സ്റ്റേഡിയത്തിനുസമീപം കാറിൽ ഇയാൾ യുവതിയുടെ വസ്ത്രം വലിച്ചുകീറുകയും മർദിക്കുകയും ലൈംഗികമായി അധിക്ഷേപിക്കുകയും ചെയ്തെന്നാണ് പരാതി. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
ആലപ്പുഴ നോർത്ത് പൊലീസിന് നൽകിയ പരാതിയെക്കുറിച്ച് സംസാരിക്കാനെന്ന് പറഞ്ഞാണ് ഇയാൾ യുവതിയെ വിളിച്ചുവരുത്തിയത്. യുവതിയുടെ പരാതിയിൽ വിവാഹവാഗ്ദാനം നൽകി പീഡിപ്പിച്ചതിനും പണവും സ്വർണവും ചതിയിലൂടെ തട്ടിയെടുത്തതിനും കേസെടുത്തിരുന്നു.
