സുധാകരൻ പ്രതിയായ തട്ടിപ്പ്‌ കേസ്‌: സാക്ഷിയെ ഭീഷണിപ്പെടുത്തിയ കോൺഗ്രസുകാരൻ അറസ്‌റ്റിൽ

ചേർത്തല> കെപിസിസി പ്രസിഡന്റ് കെ സുധാകരനെതിരെ മൊഴിനൽകിയതിന് മോൻസൺ മാവുങ്കലിന്റെ മുൻ ഡ്രൈവറെ ഭീഷണിപ്പെടുത്തിയ കേസിൽ കോൺഗ്രസ് പ്രവർത്തകനെ പൊലീസ് അറസ്റ്റ്ചെയ്തു. പള്ളിപ്പുറം പഞ്ചായത്ത് 17–-ാം വാർഡ് കൊടിയാത്ത് ആർ മുരളി (61) ആണ് അറസ്റ്റിലായത്. പള്ളിപ്പുറം കേളമംഗലത്ത് തടഞ്ഞുനിർത്തി ഭീഷണിപ്പെടുത്തിയെന്ന ജെയ്സണിന്റെ പരാതിയിലാണ് നടപടി. ചേർത്തല സ്റ്റേഷനിൽ കീഴടങ്ങിയ ഇയാളെ ജാമ്യത്തിൽവിട്ടു