ഗോവിന്ദന്‍ സൂപ്പര്‍ ഡിജിപിയാകേണ്ട; പ്രതിപക്ഷ നേതാക്കളെ അപകീര്‍ത്തിപ്പെടുത്താന്‍ മുഖ്യമന്ത്രിയുടെ ഓഫീസ് കേന്ദ്രീകരിച്ച് ഗൂഡാലോചന: വിഡി സതീശൻ

മുഖ്യമന്ത്രിയെ പോലെ മറുപടി പറയാതെ പോകുന്ന ആളല്ല പ്രതിപക്ഷ നേതാവ്. വിദേശയാത്ര കഴിഞ്ഞ് മുഖ്യമന്ത്രി മടങ്ങി വരുമ്പോള്‍ വിശേഷങ്ങളൊക്കെ ചോദിക്കാന്‍ മാധ്യമ പ്രവര്‍ത്തകര്‍ക്ക് ആഗ്രഹമില്ലേ? കേരളത്തിന്‍റെ മുഖ്യമന്ത്രിയോട് ചോദ്യം ചോദിക്കാനും വാര്‍ത്താസമ്മേളനത്തില്‍ ഇരിക്കാനുമൊക്കെ മാധ്യമ പ്രവര്‍ത്തകര്‍ക്ക് ആഗ്രഹം ഉണ്ടാകില്ലേ. മാധ്യമ പ്രവര്‍ത്തകരെ കാണാന്‍ കൂട്ടാക്കാത്ത മോദിയെയാണ് പിണറായിയും അനുകരിക്കുന്നത്.