കാർത്തികപ്പള്ളി
ബൈക്കിൽ മദ്യം കടത്തിയ ബിജെപി ചേപ്പാട് പഞ്ചായത്ത് മുൻ പ്രസിഡന്റ് പിടിയിൽ. ഏവൂർ വടക്ക് നടയിൽ കിഴക്കതിൽ വീട്ടിൽ രാജേന്ദ്രപ്രസാദിനെയാണ് കായംകുളം എക്സൈസ് റേഞ്ച് ഇൻസ്പെക്ടർ സി ബി വിജയനും സംഘവും അറസ്റ്റ് ചെയ്തത്. പത്തുലിറ്റർ പുതുച്ചേരിമദ്യവും കണ്ടെടുത്തു.
ഏവൂർ- മുട്ടം പ്രദേശങ്ങളിൽ മദ്യംവിൽക്കുന്ന സംഘത്തിൽപെട്ടയാളാണ് പ്രതിയെന്ന് എക്സൈസ് അധികൃതർ പറഞ്ഞു. അസി. എക്സൈസ് ഇൻസ്പെക്ടർ അനിമോൻ ആന്റണി, പ്രിവന്റീവ് ഓഫീസർ സി സുനിൽകുമാർ എന്നിവർ അന്വേഷകസംഘത്തിലുണ്ടായി.
