തിരുവനന്തപുരം
സർക്കാർ ഓഫീസുകൾക്കും 20 ലക്ഷം കുടുംബത്തിനും കെ ഫോൺ സേവനം സൗജന്യമാണ്. ഒരോ മണ്ഡലത്തിലും നൂറുവീതം വീടുകളാണ് ഇതിനായി തെരഞ്ഞെടുത്തത്. എല്ലാ കണക്ഷനുകളുടെയും തത്സമയ നിരീക്ഷണം കെ ഫോൺ വാർ റൂമിൽ ലഭ്യമാണ്. ഏത് പരാതിയിലും യഥാസമയം പരിഹാരം ഉറപ്പാക്കും.
മോഡം ലഭ്യമായിട്ടുള്ളിടങ്ങളിൽ ഇന്റർനെറ്റ് ഉപയോഗിക്കാം. പൊതുജനങ്ങൾക്കായി 2000 ഫ്രീ വൈ ഫൈ സ്പോട്ടും, സർക്കാർ ഓഫീസിലെത്തുന്നവർക്ക് മിതമായ നിരക്കിലുള്ള വൈ ഫൈ നെറ്റ്വർക്കും സജ്ജമാക്കും. ഏകദേശം 14,000 റേഷൻ കട, 2,000 സപ്ലൈകോ ഔട്ട്ലെറ്റ്, കേരള ബാങ്ക് എന്നിവിടങ്ങളിൽ വാണിജ്യ അടിസ്ഥാനത്തിൽ കണക്ഷനെത്തിക്കും.
