ഭുവനേശ്വർ > ഒഡിഷയിൽ ട്രെയിനുകള് കൂട്ടിയിടിച്ചുണ്ടായ അപകടത്തില് ആറുപേർ മരിച്ചു. 50 പേര്ക്ക് പരിക്ക്. കോറോമണ്ടേൽ എക്സ്പ്രസാണ് അപകടത്തിൽപ്പെട്ടത്. ഗുഡ്സ് ട്രെയിനുമായി കൂട്ടിയിടിച്ച് കോറോമണ്ടേൽ എക്സ്പ്രസിന്റെ ബോഗികള് പാളം തെറ്റി.
ഒഡിഷയിലെ ബാലസോര് ജില്ലയിലാണ് അപകടമുണ്ടായത്. ബഹനാഗ റെയിൽവെ സ്റ്റേഷന് സമീപമാണ് സംഭവം. ഷാലിമാര് – ചെന്നൈ കോറോമണ്ടേൽ എക്സ്പ്രസിന്റെ (12841) എട്ട് ബോഗികള് കൂട്ടിയിടിയില് പാളം തെറ്റി. പരിക്കേറ്റവരെ ആശുപത്രികളിലേക്ക് മാറ്റി. ആരെങ്കിലും ഉള്ളില് കുടുങ്ങിപ്പോയിട്ടുണ്ടോയെന്ന് വ്യക്തമല്ല. രക്ഷാപ്രവർത്തനം തുടരുകയാണ്.
