കോലാലംപുർ
എച്ച് എസ് പ്രണോയ്ക്ക് മലേഷ്യ മാസ്റ്റേഴ്സ് ബാഡ്മിന്റൺ കിരീടം. ഫൈനലിൽ ചൈനയുടെ വെങ് ഹോങ് യാങ്ങിനെയാണ് മലയാളിതാരം കീഴടക്കിയത്. സ്കോർ: 21-–-19, 13-–-21, 21-–-18. മലേഷ്യ മാസ്റ്റേ–ഴ്സ് സ്വന്തമാക്കുന്ന ആദ്യ ഇന്ത്യക്കാരനാണ്.
കളിജീവിതത്തിലെ പ്രണോയിയുടെ ആദ്യ ലോക ടൂർ കിരീടമാണിത്. 2017ൽ യുഎസ് ഗ്രാൻഡ് പ്രീ ജേതാവായശേഷമുള്ള ആദ്യ വ്യക്തിഗത നേട്ടവും. 2021ൽ ഇന്ത്യയുടെ തോമസ് കപ്പ് നേട്ടത്തിൽ പ്രധാന പങ്കുവഹിച്ചിരുന്നു തിരുവനന്തപുരംകാരൻ. ലോകറാങ്കിങ്ങിൽ ഏഴാംസ്ഥാനത്തെത്തിയശേഷമുള്ള കിരീടവിജയംകൂടിയാണ് മലേഷ്യയിലേത്. 2024 പാരിസ് ഒളിമ്പിക്സ് യോഗ്യതയിലേക്കുള്ള ആദ്യ ടൂർണമെന്റ് കൂടിയാണ്.
