റോക്ക്‌ ആൻഡ്‌ റോള്‍ രാജ്ഞി 
ടിന ടർണര്‍ അരങ്ങൊഴിഞ്ഞു

സൂറിച്ച്
റോക്ക് ആൻഡ് റോള് സം​ഗീതത്തിന്റെ രാജ്ഞി എന്നറിയപ്പെട്ട വിഖ്യാത പോപ്പ് ഗായിക ടിന ടർണറിന് (83) വിടനല്കി ആസ്വാദകലോകം. സ്വിറ്റ്സർലൻഡിലെ സൂറിച്ചിലെ വസതിയിൽ വാർധക്യസഹജമായ അസുഖത്തെ തുടര്ന്ന് കഴിഞ്ഞദിവസമായിരുന്നു അന്ത്യം. 2016ൽ അർബുദ ബാധിതയാണെന്ന് തിരിച്ചറിഞ്ഞിരുന്നു. ദ ഫൂൾ ഇൻ ലവ്, റിവർ ഡീപ് മൗണ്ടൻ ഹൈ, ആസിഡ് ക്വീൻ, വാട്ട്സ് ലവ് ഗോട്ട് ടു ഡു വിത്ത് ഇറ്റ്, ദ ബെസ്റ്റ് തുടങ്ങിയ നിരവധി ഗാനങ്ങളിലൂടെ ലോകമെമ്പാടും ആരാധകരെ സൃഷ്ടിച്ചു. എട്ട് തവണ ഗ്രാമി പുരസ്കാരം ലഭിച്ച ടീനയെ 2018ൽ ഗ്രാമി ലൈഫ് ടൈം അച്ചീവ്മെന്റ് നൽകി ആദരിച്ചു.