നാ​ഗര്‍കോവിലില്‍ കാറും ബസും കൂട്ടിയിടിച്ച് നാലു മരണം

കന്യാകുമാരി > നൃത്തസംഘം സഞ്ചരിച്ചിരുന്ന കാര് ബസുമായി കൂട്ടിയിടിച്ച് നാലുപേര് മരിച്ചു. ഏഴു പേര്ക്ക് ഗുരുതരമായി പരിക്കേറ്റു. ഇന്നു രാവിലെ നാഗർകോവിൽ–തിരുനെൽവേലി ദേശീയപാതയിൽ വെള്ളമടയിലായിരുന്നു അപകടം. തൃച്ചന്തൂർ ഭാഗത്ത് നൃത്തപരിപാടിയിൽ പങ്കെടുത്ത ശേഷം മടങ്ങുകയായിരുന്നു സംഘം. 11 പേരാണ് വാഹനത്തിനുള്ളിൽ ഉണ്ടായിരുന്നത്. ഡ്രൈവർ ഉൾപ്പെടെ നാലുപേർ സംഭവസ്ഥലത്തു തന്നെ മരിച്ചു. കാർ ഡ്രൈവർ ഉറങ്ങിപ്പോയതാണ് അപകട കാരണമെന്നാണ് പ്രാഥമികനി​ഗമനം.