ക്രമസമാധാന പ്രശ്‌നം; തമിഴ്‌നാട്ടിൽ “ദ കേരള സ്‌റ്റോറി’ പ്രദർശനം നിർത്തി മൾട്ടിപ്ലക്‌സുകൾ

ചെന്നൈ > വിവാദ ചിത്രം ദി കേരള സ്റ്റോറിയുടെ പ്രദര്ശനം അവസാനിപ്പിച്ച് തമിഴ്നാട്ടിലെ മള്ട്ടിപ്ലെക്സ് തിയറ്ററുകള്. തമിഴ്നാട് മള്ട്ടിപ്ലെക്സ് അസോസിയേഷന്റെ തീരുമാനപ്രകാരമാണ് നീക്കം. ക്രമസാധാന പ്രശ്നങ്ങള് ഉണ്ടാവാനുള്ള സാധ്യതയ്ക്കൊപ്പം ചിത്രം കാണാന് കാര്യമായി പ്രേക്ഷകര് എത്തുന്നില്ലെന്ന വസ്തുത കൂടി പരിഗണിച്ചാണ് അസോസിയേഷന് തീരുമാനത്തില് എത്തിയത്. സ്ക്രീന് കൗണ്ട് കുറവായിരുന്നെങ്കിലും വെള്ളിയാഴ്ച തമിഴ്നാട്ടിലെ ചില സിംഗിള് സ്ക്രീനുകളിലും മള്ട്ടിപ്ലെക്സുകളിലും ചിത്രം റിലീസ് ആയിരുന്നു. ഇതില് സിംഗിള് സ്ക്രീന് തിയറ്ററുകള് നേരത്തേതന്നെ ചിത്രത്തിന്റെ പ്രദര്ശനത്തില് നിന്നും പിന്മാറിയിരുന്നു. മള്ട്ടിപ്ലെക്സുകള് കൂടി പിന്മാറുന്നതോടെ സംസ്ഥാനത്ത് ഇനി ദി കേരള സ്റ്റോറിക്ക് പ്രദര്ശനം ഉണ്ടായിരിക്കില്ല.