കൊച്ചി
യുവധാര യൂത്ത് ലിറ്ററേച്ചർ ഫെസ്റ്റിവലിന്റെ ഭാഗമായി 11 മുതൽ വിപുലമായ പുസ്തകോത്സവത്തിന് ഫോർട്ട് കൊച്ചി കടപ്പുറം വേദിയാകും. മന്ത്രി പി എ മുഹമ്മദ് റിയാസ് പുസ്തകോത്സവം ഉദ്ഘാടനം ചെയ്യും.
ചിന്ത പബ്ലിഷേഴ്സുമായി സഹകരിച്ച് സംഘടിപ്പിക്കുന്ന പുസ്തകോത്സവത്തിൽ, പ്രമുഖ പ്രസാധകരുടെയും പുസ്തകങ്ങൾ ഉണ്ടാകും. ഫോർട്ട് കൊച്ചിയിൽ 12, 13, 14 തീയതി കളിൽ നടക്കുന്ന ലിറ്ററേച്ചർ ഫെസ്റ്റിവൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ആദ്യദിവസം അരുന്ധതി റോയ്, ഗീതാഞ്ജലി ശ്രീ എന്നിവരുൾപ്പെടെ പ്രമുഖ എഴുത്തുകാരും സാംസ്കാരിക പ്രവർത്തകരും മേളയിലെത്തും.
