ശ്രീനഗര്> സൈനിക വാഹനത്തിന് തീപിടിച്ച് 4 ജവാന്മാര് കൊല്ലപ്പെട്ടു. ജമ്മു കശ്മീരിലെ പൂഞ്ച് മേഖലയില് വെച്ചായിരുന്നു അപകടം. ബി ജി സെക്ടറിലെ ഭട്ട ദുരിയന് വനത്തില് വെച്ചാണ് വാഹനത്തിന് തീപിടിച്ചത്. തീപിടിത്തത്തിന്റെ കാരണം വ്യക്തമല്ല. പ്രദേശത്ത് ശക്തമായ ഇടിമിന്നല് ഉണ്ടായിരുന്നതായി റിപ്പോര്ട്ടുണ്ട്. സൈനിക വാഹനത്തിന് ഇടിമിന്നലേറ്റിരുന്നോ എന്നും പരിശോധിക്കുന്നുണ്ട്.
സ്ഥിതിഗതികള് പരിശോധിക്കുന്നതിനായി മുതിര്ന്ന സൈനിക ഉദ്യോഗസ്ഥര് സംഭവസ്ഥലത്തേക്ക് എത്തിച്ചേര്ന്നുകൊണ്ടിരിക്കുകയാണ്. അപകടം നടന്ന സ്ഥലത്ത് രക്ഷാപ്രവര്ത്തനം പുരോഗമിക്കുകയാണ്. അപകടത്തിന് പിന്നില് അട്ടിമറി ശ്രമങ്ങള് ഉണ്ടോ എന്നതടക്കമുള്ള കാര്യങ്ങള് പരിശോധിച്ച് വരികയാണെന്ന് സൈനിക വൃത്തങ്ങള് അറിയിച്ചു.
ഇക്കാര്യങ്ങള് വിശദമായ പരിശോധനക്ക് ശേഷമേ വ്യക്തമാക്കാന് കഴിയൂവെന്നും സൈനിക വൃത്തങ്ങള് പറഞ്ഞു. അപകടം നടന്ന സ്ഥലത്ത് നിന്നുമുള്ള വീഡിയോ ദൃശ്യങ്ങള് സൈന്യം ശേഖരിച്ചിട്ടുണ്ട്. സൈനിക വാഹനം നിമിഷ നേരം കൊണ്ട് കത്തിയമരുന്നതാണ് വീഡിയോയില് കാണുന്നത്.
