കൊച്ചി > സംസ്ഥാനത്തെ പ്രതിദിന വൈദ്യുത ഉപയോഗം കുതിച്ചുയരുന്നു. ബുധനാഴ്ച പ്രതിദിന ഉപയോഗം 102.99 ദശലക്ഷം യൂണിറ്റിലെത്തി. 4893 മെഗാവാട്ടാണ് ഉയര്ന്ന ആവശ്യകതയുള്ള സമയത്തെ (പീക് സമയം) ഉപഭോഗം.
ഈ വര്ഷം സംസ്ഥാനത്തെ വൈദ്യുത ഉപയോഗം റെക്കോര്ഡ് വേഗതയിലാണ് കുതിക്കുന്നത്. കഴിഞ്ഞ വ്യാഴാഴ്ച ഉപയോഗം 100 ദശലക്ഷം കടന്നിരുന്നു. 2022 ഏപ്രിലിലെ 92.88 ദശലക്ഷമായിരുന്നു മുന്പുള്ള റെക്കോര്ഡ്. ചരിത്രത്തിലാദ്യമായാണ് ഈ അളവില് ഉപഭോഗമെത്തുന്നത്. ചൂട് മാത്രമല്ല, സംസ്ഥാനത്തെ വ്യവസായ, വാണിജ്യമേഖലയിൽ ഉൾപ്പെടെയുണ്ടായ മുന്നേറ്റമാണ് ഉയർന്ന ആവശ്യകതയ്ക്ക് കാരണമെന്നാണ് ഊർജമേഖലയിലെ വിദഗ്ധരുടെ വിലയിരുത്തൽ.
