വിഷുവേല കണ്ടുമടങ്ങിയ യുവാവ് വാഹനാപകടത്തിൽ മരിച്ചു

കുഴൽമന്ദം
പരുത്തിപ്പുള്ളി ചെരാംകുളങ്ങര വിഷുവേല കണ്ട് ബൈക്കിൽ മടങ്ങുകയായിരുന്ന യുവാവ് കാറിടിച്ച് മരിച്ചു. മുണ്ടൂർ കണക്ക്പറമ്പില് കളത്തിൽപ്പറമ്പ് വീട്ടിൽ കിഷോർ (28) ആണ് മരിച്ചത്. ശനി രാത്രി പത്തിനാണ് അപകടം. സുഹൃത്തിനോടൊപ്പം ബുള്ളറ്റിൽ മുണ്ടൂരിലേക്ക് പോകുമ്പോൾ ഈസ്റ്റ് പരുത്തിപ്പുള്ളിയിൽവച്ച് എതിരെ വന്ന കാർ ഇടിക്കുകയായിരുന്നു. സംഭവസ്ഥലത്തുതന്നെ കിഷോർ മരിച്ചു. കൂടെയുണ്ടായിരുന്ന മുണ്ടൂർ സ്വദേശി രതീഷിനെ (27) ഗുരുതര പരിക്കുകളോടെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. അപകടത്തിൽ ബുള്ളറ്റ് രണ്ടായി മുറിഞ്ഞു. കോട്ടായി പൊലീസ് തുടര്നടപടി സ്വീകരിച്ചു. പരേതനായ കൃഷ്ണന്കുട്ടിയാണ് കിഷോറിന്റെ അച്ഛന്. അമ്മ: റാണി. സഹോദരി: കീര്ത്തി.