കോഴിക്കോട്> കുന്ദമംഗലത്ത് 372 ഗ്രാം എംഡിഎംഎയുമായി രണ്ട് യുവാക്കള് പിടിയില്. കുന്ദമംഗലം പൊലീസും ജില്ലാ ആന്റി നാര്ക്കോട്ടക് സ്ക്വാഡും ചേര്ന്ന് ഞായറാഴ്ച രാത്രിയാണ് ഇരുവരെയും അറസ്റ്റ് ചെയ്തത്. കൊടിയത്തൂര് സ്വദേശി നസ്ലീന് മുഹമ്മദ്, പെരുമണ്ണ സ്വദേശി സഹദ് എന്നിവരാണ് പിടിയിലായത്.സംഭവത്തില് വിശദമായ അന്വേഷണം നടത്തുമെന്ന് പോലീസ് അറിയിച്ചു.
കാറില് എംഡിഎംഎ കടത്തുന്നുണ്ടെന്ന വിവരത്തെ തുടര്ന്ന് ഉദ്യോഗസ്ഥര് നടത്തിയ പരിശോധനയിലാണ് പ്രതികള് പിടിയിലായത്. ഇവര് സഞ്ചരിച്ച കാറും പിടിച്ചെടുത്തിട്ടുണ്ട്. ബംഗളൂരുവില് നിന്ന് സംസ്ഥാനത്തേക്ക് കടത്തുകയായിരുന്ന എംഡിഎംഎയാണ് ഇവരില് നിന്ന് പിടിച്ചെടുത്തത്.
