‘ബോധനത്തിന് മാതൃഭാഷ, അറിവിനും ജീവിതോപാധിക്കും ഇംഗ്ലീഷ്’: പരിഷത്ത് മലയാളത്തിന് വളർച്ചയുടെ ദിശ കാണിച്ചതിങ്ങനെ

ആധുനികശാസ്ത്രത്തെ കൈകാര്യം ചെയ്യാനുതകുന്ന ഒരു ഭാഷയായി മലയാളഭാഷയെ മാറ്റിത്തീർക്കുകയും വഴക്കിയെടുക്കുകയും ചെയ്യുകയെന്ന വലിയ ദൗത്യമാണ് ശാസ്ത്രസാഹിത്യ പരിഷത്ത് തുടക്കത്തിൽത്തന്നെ ഏറ്റെടുത്തത്. ഈ പ്രക്രിയ വലിയൊരളവ് വിജയമായിരുന്നു. ഇതൊരു തുടർപ്രക്രിയയാണ് എന്നതിനാൽത്തന്നെ പരിഷത്തിന്റെ പ്രാധാന്യവും പ്രസക്തിയും സമൂഹത്തിൽ വർധിക്കുക തന്നെയാണ്.