ഹൽദ്വാനി (ഉത്തരാഖണ്ഡ്)
ദേശീയ വനിതാ ഫുട്ബോളിൽ കേരളം ഇന്ന് അവസാന ഗ്രൂപ്പ് മത്സരത്തിൽ മിസോറമിനെ നേരിടും. ഗ്രൂപ്പ് രണ്ടിൽ കേരളം മൂന്നാംസ്ഥാനത്താണ്. നാല് കളിയിൽ രണ്ട് ജയവുമായി ആറ് പോയിന്റ്.
മഹാരാഷ്ട്ര നാല് കളിയും ജയിച്ച് 12 പോയിന്റുമായി ഒന്നാമതാണ്. ചണ്ഡീഗഢിന് എട്ട് പോയിന്റുണ്ട്. മിസോറം നാല് കളിയിൽ ഒരു പോയിന്റുമായി അവസാന സ്ഥാനത്താണ്. കഴിഞ്ഞകളിയിൽ കേരളം ചണ്ഡീഗഢിനോട് മൂന്ന് ഗോളിന് തോറ്റു. മഹാരാഷ്ട്രയോടും ഒരു ഗോളിന് കീഴടങ്ങി. പുതുച്ചേരിയെ ആറ് ഗോളിനും ഉത്തരാഖണ്ഡിനെ 6–2നും തോൽപ്പിച്ചു.
