ഹൈദരാബാദ്> ഐപിഎല്ലിലെ ആദ്യ മത്സരത്തിൽ വമ്പൻ ജയവുമായി സഞ്ജു സാംസണും സംഘവും തുടങ്ങി. സണ്റൈസേഴ്സ് ഹൈദരാബാദിനെ 72 റണ്സിനാണ് രാജസ്ഥാന് റോയല്സ് തകർത്തത്. രാജസ്ഥാൻ ഉയർത്തിയ204 റണ്സ് വിജയലക്ഷ്യം പിന്തുടര്ന്ന ഹൈദരാബാദിന് 20 ഓവറില് എട്ട് വിക്കറ്റ് നഷ്ടത്തില് 131 റണ്സെടുക്കാനേ സാധിച്ചുള്ളൂ. 32 പന്തിൽ 32 റൺസെടുത്ത അബ്ദുൽ സമദാണ് ഹൈദരാബാദിന്റെ ടോപ് സ്കോറർ. രാജസ്ഥാനു വേണ്ടി സ്പിന്നർ യുസ്വേന്ദ്ര ചെഹല് നാലു വിക്കറ്റു വീഴ്ത്തി.
അഞ്ച് വിക്കറ്റ് നഷ്ടത്തിൽ 203 റൺസാണ് ആദ്യം ബാറ്റു ചെയ്ത രാജസ്ഥാൻ അടിച്ചുനേടിയത്. റോയൽസിനായി ഓപ്പണർമാരായ യശസ്വി ജയ്സ്വാളും ജോസ് ബട്ലറും ക്യാപ്റ്റൻ സഞ്ജു സാംസണും അർധ സെഞ്ചറി നേടി. ഹൈദരാബാദിനു വേണ്ടി ഫറൂഖിയും നടരാജനും രണ്ട് വിക്കറ്റ് വീതം വീഴ്ത്തി.
