കോഴിക്കോട്> സര്ക്കാര് മെഡിക്കല് കോളേജ് ആശുപത്രിയിലെ പീഡന പരാതിയില് ജീവനക്കാരനായ പ്രതിയെ അറസ്റ്റ് ചെയ്തു. അറ്റന്ഡര് വടകര മയ്യന്നൂര് സ്വദേശി ശശീന്ദ്രനെ(55)യാണ് മെഡിക്കല് കോളേജ് പോലീസ് അറസ്റ്റ് ചെയ്തത്. സംഭവവുമായി ബന്ധപ്പെട്ട് ഇയാളെ സസ്പെന്ഡ് ചെയ്തിരുന്നു
ശസ്ത്രക്രിയ കഴിഞ്ഞ യുവതിയോട് ലൈംഗികാതിക്രമം നടത്തിയെന്ന ആരോപണത്തലാണ് ജീവനക്കാരനെ അന്വേഷണവിധേയമായി സസ്പെന്ഡ് ചെയ്തിരുന്നത്. സംഭവം ശ്രദ്ധയില്പ്പെട്ടതിനെ തുടര്ന്ന് അടിയന്തരമായി അന്വേഷിച്ച് നടപടി സ്വീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കിയിരുന്നു.
