തോൾശീലെെ പോരാട്ടം: കേ​ര​ള,ത​മി​ഴ്നാ​ട് മു​ഖ്യ​മ​ന്ത്രി​മാ​ർ ഇ​ന്ന് നാ​ഗ​ർ​കോ​വി​ലി​ൽ മഹാസമ്മേളനത്തിൽ

തി​രു​വ​ന​ന്ത​പു​രം> തോൾശീലെെ കലാപത്തിന്റെ 200 വാർഷികത്തിന്റെ ഭാഗമായി ഇന്ന് നാഗർകോവിലിൽ നടക്കുന്ന മഹാസമ്മേളനത്തിൽ കേരള മുഖ്യമന്ത്രി പിണറായി വിജയനും തമിഴ്നാട് മുഖ്യമന്ത്രി എം കെ സ്റ്റാലിനും ഒരുമിച്ച് പങ്കെടുക്കും. വി​വി​ധ രാ​ഷ്​ട്രീ​യ ക​ക്ഷി​ക​ളു​ടെ നേ​തൃ​ത്വ​ത്തി​ൽ ചേരുന്ന സമ്മേളനത്തിലാണ് വേദി പങ്കിടുന്നത്.

ത​മി​ഴ്നാ​ട് മ​ത​നി​ര​പേ​ക്ഷ പു​രോ​ഗ​മ​ന മു​ന്ന​ണി​യു​ടെ നേ​തൃ​ത്വ​ത്തി​ൽ വൈ​കിട്ട് അ​ഞ്ചി​ന് നാ​ഗ​രാ​ജ സ്റ്റേ​ഡി​യ​ത്തി​ലാ​ണ് സ​മ്മേ​ള​നം. 200 വർഷങ്ങൾക്ക് മുമ്പ് ജാ​തി​വി​വേ​ച​ന​ത്തെ​യും അ​നാ​ചാ​ര​ത്തെ​യും പോ​രാ​ടി തോ​ൽ​പ്പി​ക്കാ​ൻ “ഊ​ഴി​യ വേ​ല​യ്ക്ക് വി​ടു​ത​ലൈ, തോ​ൾ​ശീ​ല​യ്ക്ക് ഉ​രി​മൈ’​എ​ന്ന മു​ദ്രാ​വാ​ക്യ​വു​മാ​യി തെ​ക്ക​ൻ തി​രു​വി​താം​കൂ​റി​ൽ അ​ര​ങ്ങേ​റി​യ കലാപം ച​രി​ത്ര​പ്ര​സി​ദ്ധ​മാ​ണ്. ഡി​എം​കെ, സി​പി​എം, സി​പി​ഐ, കോ​ണ്​ഗ്ര​സ്, വി​സി​കെ, എം​എം​കെ, എം​ഡി​എം​കെ തു​ട​ങ്ങി​യ ക​ക്ഷി​ക​ളു​ടെ നേ​തൃ​ത്വ​ത്തി​ലാ​ണ് സ​മ്മേ​ള​നം .

‘ഊഴിയ വേല ചെയ്യില്ല, തോൾശീല ഞങ്ങൾക്ക് അവകാശം’ എന്ന മുദ്രാവാക്യമുയർത്തി കന്യാകുമാരിയിലെ കൽക്കുളത്ത് 1822ൽ ആണ് കലാപത്തിന് തുടക്കം കുറിച്ചത്.
പൊതുസമ്മേളനത്തിൽ ഒരു ലക്ഷത്തിലേറെ ആളുകൾ പങ്കെടുക്കും.സമ്മേളനത്തിൽ സിപിഐ എം കന്യാകുമാരി ജില്ലാ സെക്രട്ടറിയറ്റ് അംഗം എ വി ബെല്ലാർമിൻ അധ്യക്ഷനാകും.

മേൽമുണ്ട് കലാപം, തോൽശീല സമരം, മുല മാറാപ്പുവഴക്ക്, റവുക്ക സമരം, ചാന്നാർ ലഹള എന്നിങ്ങനെയാണ് സമാനതകളില്ലാത്ത ഈ പോരാട്ടത്തെ ചരിത്രകാരന്മാർ വിശേഷിപ്പിച്ചിട്ടുള്ളത്. എങ്ങനെയൊക്കെ രേഖപ്പെടുത്തിയാലും രാജശാസനകൾക്കും ജാതിവഴക്കങ്ങൾക്കുമെതിരെ സ്ത്രീകൾ ഉയർത്തിയ ചരിത്രത്തിലെ ഒരു തീക്കാറ്റ് ആയിരുന്നു മാറുമറയ്ക്കൽ സമരം.