പാലക്കാട് ആലത്തുരും പാട്ടിമലയും കാന്തള്ളൂരും എൽഡിഎഫിന്

പാലക്കാട്> ജില്ലയിൽ തദ്ദേശ സ്വയംഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പിൽ കടമ്പഴിപ്പുറം 17–-ാം വാർഡ് പാട്ടിമലയും വെള്ളിനേഴി ഒന്നാം വാർഡ് കാന്തള്ളൂരും എൽഡിഎഫ് നിലനിർത്തി.ജില്ലാ പഞ്ചായത്ത് ആലത്തൂർ ഡിവിഷനിൽ എൽ ഡി എഫിലെ പി എം അലി 7799 വോട്ടിന് വിജയിച്ചു

പാട്ടിമലയിൽ എൽഡിഎഫിലെ കുളക്കുഴി ബാബുരാജ് 51 വോട്ടിന് വിജയിച്ചു. വെള്ളിനേഴി ഒന്നാം വാർഡ് കാന്തള്ളൂരിൽ എൽഡിഎഫിലെ പി ആർ സുധ 392 വോട്ടിന്റെ ഭൂരിപക്ഷത്തിലാണ് വിജയിച്ചത്.

തൃത്താല പഞ്ചായത്തിലെ രണ്ടാം വാർഡ് വികെ കടവിൽ യുഡിഎഫ് വിജയിച്ചു. യുഡിഎഫിലെ പി വി മുഹമ്മദാലി 256 വോട്ടിന്റെ ഭൂരിപക്ഷത്തിലാണ് വിജയിച്ചത്. ആനക്കര പഞ്ചായത്തിലെ വാർഡ് ഏഴ് മലമക്കാവ് യുഡിഎഫ് നിലനിർത്തി. യുഡിഎഫിലെ പി ബഷീർ 234 വോട്ടിന്റെ ഭൂരിപക്ഷത്തിന് ജയിച്ചു.

അഞ്ചിടത്താണ് ഉപതെരഞ്ഞെടുപ്പ്. ആലത്തൂർ ജില്ലാ ഡിവിഷനിൽ എൽഡിഎഫ് അംഗം കെ വി ശ്രീധരന്റെയും വി കെ കടവിൽ എൽഡിഎഫ് സ്വതന്ത്രൻ ഇ വി അലിയുടെയും മലമക്കാവിൽ യുഡിഎഫ് അംഗം സി പി ശ്രീകണ്ഠന്റെയും പാട്ടിമലയിൽ സിപിഐ എം അംഗം ഇ ശങ്കുവിന്റെയും നിര്യാണത്തെത്തുടർന്നും വെള്ളിനേഴി പഞ്ചായത്തിലെ കാന്തള്ളൂർ വാർഡിൽ സിപിഐ എം അംഗം എം സുമയുടെ രാജിയെത്തുടർന്നുമാണ് ഉപതെരഞ്ഞെടുപ്പ് വേണ്ടിവന്നത്.