റിയാദ്> സന്തോഷ് ട്രോഫി ഫുട്ബോൾ കിരീടപ്പോരാട്ടങ്ങൾക്കായി ടീമുകൾ സൗദി അറേബ്യയിൽ. സർവീസസ്, കർണാടകം, പഞ്ചാബ്, മേഘാലയ ടീമുകൾ റിയാദിൽ എത്തി. മാർച്ച് ഒന്നിനാണ് സെമി മത്സരങ്ങൾ. ഇന്ത്യൻ സമയം വൈകിട്ട് അഞ്ചരയ്ക്ക് പഞ്ചാബും മേഘാലയയും ഏറ്റുമുട്ടും. രാത്രി ഒമ്പതിനാണ് കർണാടകം–-സർവീസസ് രണ്ടാംസെമി.
മാർച്ച് നാലിന് വൈകിട്ട് ആറിനാണ് മൂന്നാംസ്ഥാനക്കാരെ നിർണയിക്കുന്ന ലൂസേഴ്സ് ഫൈനൽ. മാർച്ച് അഞ്ചിന് രാത്രി ഒമ്പതിനാണ് ഫൈനൽ. കിങ് ഫഹദ് രാജ്യാന്തര സ്റ്റേഡിയത്തിലാണ് എല്ലാ കളിയും. നിലവിലെ ചാമ്പ്യൻമാരായ കേരളം ഫൈനൽ റൗണ്ടിൽ പുറത്തായിരുന്നു.
