വനിതാ ലോകകപ്പ്‌ : സെമി തേടി
ഇന്ത്യ അയർലൻഡിനോട്

പ്രിട്ടോറിയ
വനിതാ ട്വന്റി 20 ലോകകപ്പിൽ സെമി ഉറപ്പിക്കാൻ ഇന്ത്യ ഇന്ന് അയർലൻഡിനോട്. ജയിച്ചാൽ ഇന്ത്യക്ക് കടക്കാം. ആറ് പോയിന്റുമായി ഇംഗ്ലണ്ടാണ് ഒന്നാമത്. നാല് പോയിന്റുള്ള ഇന്ത്യ രണ്ടാമതും. രണ്ട് പോയിന്റുള്ള പാകിസ്ഥാൻ വെസ്റ്റിൻഡീസിനോട് മൂന്ന് റണ്ണിന് തോറ്റു. വിൻഡീസ് 6–116 റണ്ണെടുത്തു. മറുപടിക്കെത്തിയ പാകിസ്ഥാന് അഞ്ചിന് 113ലെത്താനേ കഴിഞ്ഞുള്ളൂ. പാകിസ്ഥാന് അവസാന കളി ഇംഗ്ലണ്ടുമായാണ്. ഇംഗ്ലണ്ട് സെമി ഉറപ്പാക്കി.