വണ്ടൂര്> പ്രായപൂര്ത്തിയാകാത്ത വിദ്യാര്ഥിനിയെ പീഡിപ്പിക്കാന് ശ്രമിച്ച കേസില് അധ്യാപകന് അറസ്റ്റില്. വണ്ടൂര് തച്ചുണ്ണിക്കുന്ന് സ്വദേശി കുന്നുമ്മല് ഹൗസില് സവാഫിനെ (29)യാണ് വണ്ടൂര് ഇന്സ്പെക്ടര് ഇ ഗോപകുമാര് അറസ്റ്റ് ചെയ്തത്. കഴിഞ്ഞ മൂന്നിനാണ് കേസിനാസ്പദമായ സംഭവം.
ശുചിമുറിയില് പോയി വരികയായിരുന്ന വിദ്യാര്ഥിനിയെ ശാരീരികോപദ്രവമേല്പ്പിക്കാന് ശ്രമിച്ച പ്രതി ഇക്കാര്യം പുറത്തുപറഞ്ഞാല് കൊല്ലുമെന്നു ഭീഷണിപ്പെടുത്തി. തൊട്ടടുത്ത ദിവസങ്ങളില് സ്കൂളില് പോകാതിരുന്ന വിദ്യാര്ഥിനിയോട് അധ്യാപിക വിവരം തിരക്കിയപ്പോഴാണ് പീഡനശ്രമം പുറത്തറിഞ്ഞത്. പ്രധാനാധ്യാപകന്റെ പരാതിയിലാണ് കേസെടുത്തത്. പോക്സോ പ്രകാരം അറസ്റ്റ് ചെയ്ത ഇയാളെ മഞ്ചേരി കോടതിയില് ഹാജരാക്കി.
