ഭുവനേശ്വര്> സന്തോഷ് ട്രോഫി ഫുട്ബാള് ടൂര്ണമെന്റിന്റെ ഫൈനല് റൗണ്ട് പോരാട്ടത്തില് ഗോവയെ തകര്ത്ത് കേരളം.രണ്ടാം പകുതിയുടെ അധികസമയത്ത് പകരക്കാരനായി ഇറങ്ങിയ ഒഎം ആസിഫാണ് കേരളത്തിനായി വിജയഗോള് നേടിയത്.
രണ്ടിനെതിരെ മൂന്ന് ഗോളുകള്ക്കാണ് കേരളത്തിന്റെ വിജയം. കേരളം 2-0ന് ലീഡെടുത്തെങ്കിലും 12 മിനിറ്റിനിടെ രണ്ടുഗോളടിച്ച് ഗോവ ഒപ്പമെത്തിയിരുന്നു.അവസാന മിനിറ്റില് ഗോള് നേടി ആസിഫ് കേരളത്തിന്റെ രക്ഷയ്ക്കെത്തുകയായിരുന്നു .
ഗ്രൂപ്പ് റൗണ്ടില് രണ്ടാം ഗ്രൂപ്പില് നിന്ന് കളിച്ച അഞ്ച് മത്സരങ്ങളും ജയിച്ചാണ് കേരളം ഫൈനല് റൗണ്ടിലേക്ക് യോഗ്യത നേടിയത്. ഇത്തവണത്ത സന്തോഷ് ട്രോഫി ടൂര്ണമെന്റിന്റെ സെമി ഫൈനലുകളും ഫൈനലും സൗദി അറേബ്യയിലെ റിയാദിലെ പുതിക്കപണിത പ്രശസ്തമായ കിംഗ് ഫഹദ് ഇന്റര്നാഷണല് സ്റ്റേഡിയത്തില് നടക്കും.
12ന് കര്ണാടകയ്ക്കെതിരെയാണ് കേരളത്തിന്റെ അടുത്ത മത്സരം.
