തിരുവനന്തപുരം> സിഎസ്ഐആർ(കൗൺസിൽ ഓഫ് സയൻറിഫിക് ആൻറ് ഇൻഡസ്ട്രിയൽ റിസർച്ച്) ഡയറക്ടറായിരുന്ന പ്രശസ്ത ശാസ്ത്രജഞൻ ഡോ. എ ഡി ദാമോദരൻ (87)അന്തരിച്ചു. ഇഎംസിന്റെ മകൾ ഡോ. ഇ എം മാലതിയാണ് ഭാര്യ. ഇന്നു രാവിലെയായിരുന്ന അന്ത്യം. കുറച്ചുനാളുകളായി ചികിത്സയിലായിരുന്നു.
ഭാഭാ അറ്റോമിക് റിസർച്ച് സെൻററിലാണ് ആദ്യകാലത്ത് ജോലി ചെയ്തിരുന്നത്. കെൽട്രോണിന്റെ ചെയർമാനുമായിരുന്നു. മക്കൾ: ഹരീഷ് ദാമോദരൻ(ഇന്ത്യൻ എക്സ്പ്രസ്- ഡൽഹി), പ്രൊഫ. സുമംഗല (ഡൽഹി).വടക്കാഞ്ചേരി ആലത്തൂർ മന കുടുംബാംഗമാണ്.
മൃതദേഹം ശാസ്തമംഗലത്തെ മംഗലം ലെയിനിലുള്ള വീട്ടിൽ പൊതുദർശനത്തിനായി വെച്ചു. സംസ്കാരം നാളെ രാവിലെ 9ന് ശാന്തികവാടത്തിൽ
