പാലക്കാട് > ദിബ്രുഗഢ് – -കന്യാകുമാരി വിവേക് എക്സ്പ്രസ് മെയ് മുതൽ ആഴ്ചയിൽ നാലുദിവസം സർവീസ് നടത്തും. ദിബ്രുഗഢിൽനിന്ന് ചൊവ്വ, വ്യാഴം, ശനി, ഞായർ ദിവസങ്ങളിൽ മെയ് ഏഴുമുതലാണ് ഓടിത്തുടങ്ങുക. നിലവിൽ ശനി, ചൊവ്വ ദിവസങ്ങളിൽമാത്രമാണ് സർവീസുള്ളത്. ഈ ട്രെയിനിന്റെ നമ്പർ മാർച്ച് നാലുമുതൽ 22504 ആയിരിക്കും. നിലവിലെ നമ്പർ 15906 ആണ്.
കന്യാകുമാരിയിൽനിന്ന് ദിബ്രുഗഢിലേക്കുള്ള ട്രെയിൻ മെയ് 11 മുതൽ തിങ്കൾ, ബുധൻ, വ്യാഴം, ശനി ദിവസങ്ങളിലാണ് ഓടുക. നിലവിൽ വ്യാഴം, ശനി ദിവസങ്ങളിലാണ് സർവീസ് നടത്തുന്നത്. ഈ ട്രെയിനിന്റെ നമ്പർ മാർച്ച് ഒമ്പതുമുതൽ 15905നുപകരം 22503 ആയിരിക്കും.
