ഉദുമ> കോൺഗ്രസ് നേതാവും സഹകാരിയുമായ ഉദുമ ബാരയിലെ കടവങ്ങാനം ഇ കുഞ്ഞിക്കേളു നായർ (76) അന്തരിച്ചു. കെപിസിസി അംഗം, ഡിസിസി ജനറൽ സെക്രട്ടറി, കാസർകോട് ജില്ലാ ബാങ്ക് വൈസ് പ്രസിഡന്റ്, മാർക്കറ്റ് ഫെഡ് ഭരണ സമിതി അംഗം, ഉദുമ പഞ്ചായത്ത് ഭരണ സമിതി അംഗം, ഉദുമ സഹകരണ ബാങ്ക് ഭരണ സമിതി അംഗം, വിദ്യാനഗർ കെ.സി.എം.പി. സൊസൈറ്റി ഭരണ സമിതി അംഗം, ഉദുമയിലെയും പരിസര പ്രദേശത്തെയും വയനാട്ടുകുലവൻ തെയ്യം കെട്ട് മഹോത്സവ കമ്മിറ്റി ചെയർമാൻ തുടങ്ങിയ നിലകളിലും പ്രവർത്തിച്ചിട്ടുണ്ട്.
ഭാര്യ: കാമലോൺ സരോജിനി. മക്കൾ: ഷിബു കടവങ്ങാനം (ക്ലാർക്ക്, ഉദുമ സഹകരണ ബാങ്ക്) ഷീന. മരുമക്കൾ: ധനു രാജ് (മാനേജർ, അരമന ആസ്പത്രി) ഹർഷ. സഹോദരങ്ങൾ: കുഞ്ഞമ്പുനായർ, ലീല, ലക്ഷ്മി കുട്ടി, പത്മിനി, സുലോചന, പരേതനായ കടവങ്ങാനം കുഞ്ഞികൃഷ്ണൻ നായർ. ബുധനാഴ്ച രാവിലെ ഏഴിന് വീട്ടിൽ പൊതുദർശനം. 10 മണിക്ക് വീട്ടുവളപ്പിൽ മൃതദേഹം സംസ്കരിക്കും.
