പയ്യന്നൂർ
ദേശാഭിമാനി 80–-ാം വാർഷിക ആഘോഷത്തിന്റെ ഭാഗമായി 30 വർഷം പൂർത്തിയാക്കിയ ഏജന്റുമാരെയും ഏരിയാ ലേഖകന്മാരെയും ആദരിച്ചു.
പയ്യന്നൂർ ഷേണായി സ്ക്വയറിലെ ചരിത്ര–- ചിത്ര പ്രദർശന നഗരിയിൽ നടന്ന ആദര സമ്മേളനം മുൻ ജനറൽ മാനേജർ പി കരുണാകരൻ ഉദ്ഘാടനം ചെയ്തു. സിപിഐ എം ജില്ലാ കമ്മിറ്റിയംഗം സി കൃഷ്ണൻ അധ്യക്ഷനായി. ടി ഐ മധുസൂദനൻ എംഎൽഎ ആദരം നിർവഹിച്ചു.
‘ബഹുസ്വരതയും ജനാധിപത്യവും’ വിഷയത്തിൽ ഡോ. ഷീന ഷുക്കൂർ പ്രഭാഷണം നടത്തി. സിപിഐ എം സംസ്ഥാന കമ്മിറ്റിയംഗം ടി വി രാജേഷ്, ജില്ലാ കമ്മിറ്റിയംഗം അഡ്വ. പി സന്തോഷ്, ദേശാഭിമാനി കണ്ണൂർ യൂണിറ്റ് മാനേജർ സജീവ് കൃഷ്ണൻ, കെ കെ ഗംഗാധരൻ, എം ആനന്ദൻ, പി ശ്യാമള എന്നിവർ സംസാരിച്ചു. ദേശാഭിമാനി സീനിയർ ന്യൂസ് എഡിറ്റർ കെ ടി ശശി സ്വാഗതവും സീനിയർ അക്കൗണ്ടന്റ് എൻ വി രാമചന്ദ്രൻ നന്ദിയും പറഞ്ഞു.
ഞായർ വൈകിട്ട് പയ്യന്നൂർ ഗവ. ബോയ്സ് ഹൈസ്കൂൾ സ്റ്റേഡിയത്തിൽ ദേശാഭിമാനിയും ദൃശ്യ പയ്യന്നൂരും ചേർന്ന് സംഘടിപ്പിക്കുന്ന “മലബാറിക്കസ് മ്യൂസിക്ക് ബാൻഡ്’ മെഗാഷോ. പിന്നണി ഗായകരായ സിതാര കൃഷ്ണകുമാറും വിധു പ്രതാപും ചേർന്ന് അവതരിപ്പിക്കുന്ന ഷോ ഞായർ വൈകിട്ട് 5.30ന് മന്ത്രി മുഹമ്മദ് റിയാസ് ഉദ്ഘാടനം ചെയ്യും. സിപിഐ എം ജില്ലാ സെക്രട്ടറി എം വി ജയരാജൻ അധ്യക്ഷനാകും. കാസർകോട് ജില്ലാ സെക്രട്ടറി എം വി ബാലകൃഷ്ണൻ മുഖ്യാതിഥിയാകും. പയ്യന്നൂർ പെരുമയിൽ കൈതപ്രം ദാമോദരൻ നമ്പൂതിരി, സിനിമാ ഛായാഗ്രാഹകൻ കെ യു മോഹനൻ, ഐഎസ്ആർഒ റിട്ട. സയന്റിസ്റ്റ് ഡോ. പി കുഞ്ഞികൃഷ്ണൻ എന്നിവരെ ആദരിക്കും.
