വത്തിക്കാൻ സിറ്റി
ബെനഡിക്ട് പതിനാറാമന് പാപ്പയുടെ കബറടക്കം വ്യാഴാഴ്ച. മാർപാപ്പ പദവിയില് മരിക്കുന്നവര്ക്ക് നല്കുന്ന അതേ ബഹുമതികളോടെയായിരിക്കും ചടങ്ങ്. വത്തിക്കാൻ സെന്റ് പീറ്റേഴ്സ് ചത്വരത്തില് ഫ്രാൻസിസ് മാർപാപ്പ ചടങ്ങിന് നേതൃത്വം നൽകും. ജോൺ പോൾ രണ്ടാമൻ മാർപാപ്പയെ അടക്കംചെയ്ത കുഴിമാടത്തിൽത്തന്നെ ബെനഡിക്ട് പതിനാറാമനെയും അടക്കം ചെയ്യും.
അറുപതിനായിരത്തിൽപ്പരം വിശ്വാസികൾ ചടങ്ങിനായി വത്തിക്കാനിൽ എത്തുമെന്നാണ് കണക്കാക്കുന്നത്. മുൻ മാർപാപ്പയുടെ സ്വരാജ്യമായ ജർമനി, ഇറ്റലി എന്നിവ മാത്രമാകും ചടങ്ങിനായി ഔദ്യോഗിക പ്രതിനിധികളെ അയക്കുക. മൂന്നുദിവസം നീണ്ട പൊതുദർശനത്തിൽ 1.35 ലക്ഷം പേർ ബെനഡിക്ട് പതിനാറാമന് ആദരാഞ്ജലി അർപ്പിച്ചതായാണ് കണക്ക്.
