കോടിയത്ത്
തിരുവനന്തപുരം
ജനങ്ങളുമായുള്ള ആത്മബന്ധത്തിന് കൂടുതൽ ഇഴയടുപ്പമേകാൻ സിപിഐ എം ആരംഭിച്ച ഗൃഹസന്ദർശനത്തിന് ആവേശതുടക്കം. സംസ്ഥാനതലത്തിൽ പൂന്തുറ പുത്തൻപള്ളിയിൽ സംസ്ഥാന സെക്രട്ടറി എം വി ഗോവിന്ദൻ തുടക്കം കുറിച്ചു. കേന്ദ്രസർക്കാരിന്റെ കേരളത്തോടുള്ള അവഗണന തുറന്ന് കാട്ടിയും പിണറായി സർക്കാരിന്റെ ജനപക്ഷ. വികസന നിലപാടുകൾ വിശദീകരിച്ചുമാണ് ഗൃഹസന്ദർശനം. പൊളിറ്റ് ബ്യുറോ അംഗങ്ങൾ മുതൽ പാർടി അംഗങ്ങൾ വരെയുള്ളവർ പ്രചാരണത്തിൽ പങ്കാളികളായി. കക്ഷി രാഷ്ട്രീയത്തിനതീതമായി എല്ലാ വീടുകളും സന്ദർശിച്ച് ജനങ്ങൾക്ക് പറയാനുള്ളതു മുഴുവൻ കേട്ടതിനൊപ്പം അറിയാനുള്ള കാര്യങ്ങൾ ചോദിച്ച് മനസ്സിലാക്കി.
അഭിപ്രായങ്ങൾ തുറന്നുപറഞ്ഞും പോരായ്മകളും നിർദേശങ്ങളും നേരിട്ടറിയിച്ചുമാണ് ജനങ്ങൾ പരിപാടിയെ ഏറ്റെടുത്തത്. ഗൃഹസന്ദർശനം 20 വരെ തുടരും. തുടർന്ന് കേന്ദ്ര സർക്കാരിന്റെ കേരളത്തോടുള്ള അവഗണനയ്ക്കെതിരെ 31 വരെ ലോക്കൽ തലത്തിൽ ആദ്യഘട്ട പ്രക്ഷോഭം സംഘടിപ്പിക്കും.
