തിരുവനന്തപുരം
സംസ്ഥാന ഊർജ സംരക്ഷണ അവാർഡുകളും (2022) സംസ്ഥാന അക്ഷയ ഊർജ അവാർഡുകളും (2021) അയ്യൻകാളി ഹാളിൽ മുഖ്യമന്ത്രി പിണറായി വിജയൻ സമ്മാനിച്ചു. മന്ത്രി കെ കൃഷ്ണൻകുട്ടി അധ്യക്ഷനായി. കാർബോറണ്ടം യൂനിവേഴ്സൽ– ഇലക്ട്രോ മിനറൽ ഡിവിഷൻ, എറണാകുളം (വൻകിട ഊർജ ഉപയോക്താക്കൾ), ഒഇഎൻ ഇന്ത്യ ലിമിറ്റഡ് (ഇടത്തരം ഊർജ ഉപയോക്താക്കൾ), റീഹാബിലിറ്റേഷൻ പ്ലാന്റേഷൻ കൊല്ലം (ചെറുകിട ഊർജ ഉപയോക്താക്കൾ), കെ -ഡിസ്ക് (കെട്ടിടങ്ങൾ), എസ് എച്ച് കോളേജ് തേവര (സംഘടനകൾ/സ്ഥാപനങ്ങൾ), ചിൽട്ടൺ റഫ്രിജറേഷൻ എറണാകുളം (ഊർജകാര്യക്ഷമത കൂടിയ ഉപകരണങ്ങളുടെ പ്രമോട്ടർമാർ) എന്നീ സ്ഥാപന പ്രതിനിധികൾ മുഖ്യമന്ത്രിയിൽനിന്ന് പുരസ്കാരങ്ങൾ സ്വീകരിച്ചു.
സംസ്ഥാന അക്ഷയ ഊർജ വിഭാഗത്തിൽ സിയാൽ, കാസർകോട് ജില്ലാ പഞ്ചായത്ത്, ഇൻകെൽ, എറണാകുളം തേവര എസ്എച്ച് കോളേജ്, എറണാകുളം രാജഗിരി കോളജ് ഓഫ് സോഷ്യൽ സയൻസ്, തിരുവനന്തപുരം ടിസിഎസ്, ആലപ്പുഴ എയ്ഞ്ചൽ ഏജൻസീസ്, മുഹമ്മദ് ഷഫീഖ് എൻ എന്നിവരാണ് അവാർഡ് ജേതാക്കൾ.
വിജയികൾക്ക് ഒരു ലക്ഷം രൂപ സമ്മാനമായി ലഭിച്ചു. ഗതാഗത മന്ത്രി ആന്റണി രാജു, ഡോ. ആർ വി ജി മേനോൻ, ഊർജ പ്രിൻസിപ്പൽ സെക്രട്ടറി കെ ആർ ജ്യോതിലാൽ എന്നിവർ സംസാരിച്ചു.
