ശബരിമല > മണ്ഡല–-മകരവിളക്ക് തീർഥാടനത്തിന്റെ ഭാഗമായി ശബരിമലയിൽ തിരക്കേറുന്നു. ഒമ്പതിനും 12 നും ലക്ഷത്തിന് മുകളിലാണ് ദര്ശനത്തിനുള്ള ബുക്കിങ്. ഒമ്പതിന് ശബരിമല ദര്ശനത്തിനായി ബുധനാഴ്ചവരെ 1,04,200 പേർ ഓൺലൈനിൽ ബുക്ക് ചെയ്തിട്ടുണ്ട്. മണ്ഡകാലം ആരംഭിച്ചശേഷം ആദ്യമായാണ് ഒരുലക്ഷത്തിന് മുകളില് ആളുകള് ഒറ്റദിവസം ദര്ശനത്തിനെത്തുന്നത്.
12നും ഒരുലക്ഷത്തിന് മുകളിലാണ് ബുക്കിങ് (1,03,716 പേര്). എട്ടിന് 93,600 പേരും 10ന് 90,500 പേരുമാണ് ഇതുവരെ ദര്ശനത്തിന് രജിസ്റ്റര് ചെയ്തത്. ക്രിസ്മസ് അവധികൂടി വരുന്നതോടെ വരുംദിവസങ്ങളില് ഇനിയും തിരക്കേറാനാണ് സാധ്യത. തിരക്ക് വര്ധിച്ചാലും തീർഥാടകര്ക്ക് സുഗമമായ ദര്ശനത്തിനും വഴിപാടുകള് ചെയ്യുന്നതിനും വിപുലമായ ക്രമീകരണങ്ങള് സന്നിധാനത്ത് സജ്ജമാണ്.
