ദോഹ
ലോകകപ്പിലെ ആദ്യ മത്സരത്തിനിറങ്ങിയ ബൽജിയം ക്യാനഡയോട് ഒറ്റ ഗോളിന് രക്ഷപ്പെട്ടു. മിച്ചി ബാറ്റ്ഷുവായിയാണ് ബൽജിയത്തിന്റെ വിജയഗോൾ കുറിച്ചത്. മത്സരത്തിൽ കിട്ടിയ അനവധി അവസരങ്ങൾ ഇരുടീമുകൾക്കും മുതലാക്കാനായില്ല. ക്യാനഡയ്ക്ക് അനുകൂലമായി ലഭിച്ച പെനൽറ്റി അൽഫോൻസോ ഡേവിസ് പാഴാക്കി. ബൽജിയം ഗോൾകീപ്പർ തിബൗ കൂർട്ടോ തടയുകയായിരുന്നു. ഗോൾവലയ്ക്ക് കീഴിൽ മികച്ച പ്രകടനമായിരുന്നു ഈ മുപ്പതുകാരന്റേത്.
27ന് മൊറോക്കോയുമായാണ് ബൽജിയത്തിന്റെ അടുത്ത കളി. ക്യാനഡ അന്നുതന്നെ ക്രൊയേഷ്യയെ നേരിടും.
