ഹൈദരാബാദ്
ഐഎസ്എൽ ഫുട്ബോളിൽ കേരള ബ്ലാസ്റ്റേഴ്സിന്റെ കുതിപ്പ് തുടരുന്നു. ചാമ്പ്യന്മാരായ ഹൈദരാബാദ് എഫ്സിയെ ഒരു ഗോളിന് വീഴ്ത്തി. ദിമിത്രിയോസ് ഡയമന്റാകോസാണ് വിജയഗോൾ കുറിച്ചത്. ബ്ലാസ്റ്റേഴ്സിന്റെ തുടർച്ചയായ മൂന്നാംജയമാണിത്. ഏഴ് കളിയിൽ നാല് ജയവും മൂന്ന് തോൽവിയുമായി 12 പോയിന്റോടെ മൂന്നാംസ്ഥാനത്തേക്കുയർന്നു ബ്ലാസ്റ്റേഴ്സ്.
തോൽവിയറിയാതെ മുന്നേറിയ ഹൈദരാബാദിന്റെ സീസണിലെ ആദ്യ തോൽവികൂടിയാണിത്. ഡിസംബർ നാലിന് ജംഷഡ്പുർ എഫ്സിയുമായാണ് ബ്ലാസ്റ്റേഴ്സിന്റെ അടുത്ത മത്സരം. മറ്റൊരു കളിയിൽ ചെന്നൈയിൻ എഫ്സി 3–-1ന് ജംഷഡ്പുരിനെ വീഴ്ത്തി.
