സാബു ജേക്കബ് അറിയാൻ: കുന്നത്തുനാട് എംഎൽഎ മേക്കാംകുന്നേൽ വീട്ടിലെ കുടിയാനല്ല

പുതിയ പ്രശ്നം കിഴക്കമ്പലം പഞ്ചായത്തിൽ നടക്കുന്ന സർക്കാരിന്റെ ഔദ്യോഗിക പരിപാടികളുമായി ബന്ധപ്പെട്ടാണ് ഉയർന്നു വന്നിരിക്കുന്നത്. കഴിഞ്ഞദിവസം കിഴക്കമ്പലത്തെ മലയിടം തുരുത്ത് ഗവൺമെന്റ് എൽപി സ്കൂളിന്റെ പുതിയ കെട്ടിടം ഉദ്ഘാടനം ചെയ്യാൻ മന്ത്രി വി ശിവൻകുട്ടി എത്തിയിരുന്നു. മന്ത്രി പങ്കെടുക്കുന്ന പരിപാടിയായിട്ടും സർക്കാരിന്റെ പ്രതിനിധിയായി കിഴക്കമ്പലം പഞ്ചായത്തിലിരിക്കുന്ന സെക്രട്ടറി ആ ഭാഗത്തേക്ക് തിരിഞ്ഞുനോക്കിയില്ല.