​ബിജെപിയിലേയ്ക്കല്ല, പിജെ കുര്യൻ ഇടത്തേയ്ക്ക്? പുകഴ്ത്തി മുഖ്യമന്ത്രി; എൽഡിഎഫ് സ്വതന്ത്രനായേക്കുമെന്ന് അഭ്യൂഹം​

മുതിർന്ന കോൺഗ്രസ് നേതാവ് പിജെ കുര്യൻ പാർട്ടി വിട്ടേക്കുമെന്ന റിപ്പോർട്ടുകൾക്കിടെ പ്രശംസയുമായി മുഖ്യമന്ത്രി പിണറായി വിജയൻ. മുൻപ് രാജ്യസഭാ ഡെപ്യൂട്ടി ചെയർമാൻ സ്ഥാനം വരെയെത്തിയ പി ജെ കുര്യൻ ബിജെപിയിലെത്തുമെന്ന് മുൻപ് അഭ്യൂഹങ്ങളുണ്ടായിരുന്നെങ്കിലും ഇത് ഒഴിവാക്കാനും അദ്ദേഹത്തെ സിപിഎം പാളയത്തിലെത്തിക്കാനുമാണ് മുഖ്യമന്ത്രി പിണറായി വിജയൻ ശ്രമിക്കുന്നത് എന്നാണ് പുതിയ റിപ്പോർട്ടുകൾ. പ്രതിപക്ഷ നേതാവ് വിഡി സതീശൻ അടക്കമുള്ളവരുടെ അസാന്നിധ്യത്തിൽ പിജെ കുര്യനെ പുകഴ്ത്തിയുള്ള മുഖ്യമന്ത്രിയുടെ വാക്കുകൾ ഇതിൻ്റെ സൂചനയാണെന്നാണ് വിലയിരുത്തൽ.